Suuqa Crypto, Bitcoin ayaa mar kale taariikh gashay 14 July 2025, iyadoo gaartay heerkeedii ugu sarreeyay ee abid $122,205 ee waqti xaadirkan. Tani waxay dhacday xilli uu sii xoogeysanayo khilaafka ganacsi ee u dhexeeya Mareykanka iyo waddamo ay kamid yihiin Midowga Yurub iyo Mexico.
Maxaa Sababay Kacdoonkan Qiimaha?
Kororka qiimaha Bitcoin waxaa si weyn u sababaya:
- Maalgashi xooggan oo ka imaanaya hay’adaha maaliyadeed.
- Kororka tirada shirkadaha u kaydsanaya BTC, sida lagu sheegay warbixintii Bitwise ee Q2 2025.
- Qulqul lacageed oo xoogan oo ka jira ETF-yada ay maamulaan shirkadaha BlackRock iyo Fidelity.
Waxaa intaa dheer in hoos u dhaca Doolarka Mareykanka uu kor u qaaday qiimaha crypto.
Horumar Sharciyeed oo Kor u Qaaday Kalsoonida
Marka laga soo tago isbeddelada suuqa, waxaa jira horumarro sharciyeed oo dhaliyay kalsooni cusub, sida:
- Ansixinta sharciga stablecoin-ka ee Senet-ka Mareykanka.
- Doodda laga furay sameynta Kayd Qaran oo Bitcoin ah (Strategic Bitcoin Reserve).
Qodobbadan waxay si gaar ah u soo jiiteen maalgashadeyaasha waaweyn.
Xiisadda Ganacsiga: Saameyn MaKu Yeeshay?
Inkasta oo Madaxweyne Donald Trump uu ku dhawaaqay canshuur 30% ah oo lagu soo rogi doono badeecooyinka laga keeno Mexico iyo EU, suuqyada crypto kama aysan falcelin si taban.
Waxaa la filayaa in haddii aan heshiis la gaarin, Midowga Yurub uu qaaday tallaabooyin celin ah bisha August.
Maxaa Sugaya Bitcoin Toddobaadyada Soo Socda?
In kasta oo suuqyadu hadda kacsan yihiin, waxaa la filayaa in xogta sicir-bararka Mareykanka ee la shaacin doono 16-ka July ay wax ka beddeli karto xaaladda. Haddii core inflation ay kor u kacdo, waxaa laga yaabaa in Fed uu hakiyo qorshihiisa dhimis dulsaar, taasoo dhibaato ku noqon karta Bitcoin.
Ma Sii Socon Doontaa Kororka Bitcoin?
Sida hadda muuqata, Bitcoin wuxuu heystaa taageero xooggan oo ka imaaneysa hay’adaha maaliyadeed, ETF-yada, iyo sharciyeynta crypto. Si kastaba, isbedbedelka siyaasadda dhaqaalaha Mareykanka iyo kororka sicir-bararka ayaa noqon kara culeys suuqeed haddii aan si dhow loola socon.
